結婚場地佈置文 (1) – 計劃篇

講起佈置, 由於Budget有限, 好多嘢都係自己親力親為, 上淘寶搵, 自己整。

 

一個人一雙手, 結婚後回望返, 發覺其實仲有D嘢之前plan咗想整但冇做到...因為時間有限, 可以整到大部份同埋賓客都欣賞已經覺得心滿意足。

 

所以我覺得如果打算DIY嘅B2B, 要衡量吓自己係咪有充足嘅時間同心機去做, 即使plan咗去做, 但最終冇做到, 都唔好因為咁而唔開心, DIY嘅嘢, 有就當係Bonus, 冇都冇所謂, 如果明明自己唔夠時間都要去做, 最終做唔到, 盞影響自己心情, 咁就好蠢架喇。

 

講返我先~因為知道自己追求完美, 同埋唔想d兄弟姊妹們當日要諗點做點搵d物資, 所以我一早已經自己諗好晒所有佈置擺設點擺, 再擺晒出嚟影相, 整埋個好似proposal嘅物體, print埋出嚟俾佢哋照單執藥, 以免當日混亂, 我連d物資擺喺邊個袋邊個喼都影晒同寫晒出嚟。Touch wood, 嗰日大家都好順利搵到所需物品。
喺度share其中一part我嘅『Proposal』先~

 

 

婚後記: 發覺份『Proposal』係非常有用, 兄弟姊妹跟住份嘢去照執, 好快已經佈置好, 仲有時間去休息吓。

 

- 用家自我介紹:Cynthia Tse, 希望可以用有限o既金錢去做好我o地心目中完美o既婚禮。-